၂၀၂၄ ခုနှစ်၊ ဧပြီလ ၁၇ ရက်တွင် ထုတ်ဝေခဲ့သည်
၂၀၂၄ ခုနှစ်၊ မေလ ၁၇ ရက်တွင် စတင်အကျုံးဝင်သည်
ကျွန်ုပ်တို့သည် သင်၏ ကိုယ်စိတ် ကျန်းမာရေးကို အထူးအလေးအနက်ထား ဂရုစိုက်ပြီး ပျော်ရွှင်မှု၊ ကြွယ်ဝပြည့်စုံမှုနှင့် ကိုက်ညီမှုရှိသည့် နေရာတစ်ခုဖြစ်စေရန် ကြိုးပမ်းနေပါသည်။အဆက်အသွယ်များကို ရှာဖွေရန်၊ အတွေ့အကြုံမျှဝေမှုများတွင် ပါဝင်ရန်နှင့် ပိုမိုကျယ်ပြန့်သည့် အသိုင်းအဝိုင်း၏ တစ်စိတ်တစ်ပိုင်းအဖြစ် ခံစားရစေရန် အတူတကွ ရောက်ရှိလာသူများကို ကျွန်ုပ်တို့က ကြိုဆိုပါသည်။သင်၏ ရုပ်ပိုင်း သို့မဟုတ် စိတ်ပိုင်းဆိုင်ရာ ကျန်းမာရေးများကို ဆိုးရွားသောထိခိုက်မှု မဖြစ်စေနိုင်သည့် ပံ့ပိုးမှုပေးသောနေရာတစ်နေရာတွင် ထိုသို့ကြိုဆိုမှုရှိကြောင်း သေချာစေရန် ကျွန်ုပ်တို့ လုပ်ဆောင်ပါသည်။
TikTok အား ထိခိုက်မှုအန္တရာယ်ကို မတိုးစေဘဲ ရှုပ်ထွေးသော စိတ်ပိုင်းဆိုင်ရာ အကြောင်းအရာများကို အထောက်အပံ့ပေးနိုင်သည့် နည်းလမ်းဖြင့် ဆွေးနွေးနိုင်သည့်နေရာတစ်ခု ဖြစ်စေလိုပါသည်။မိမိကိုယ်ကို သတ်သေသည့် သို့မဟုတ် မိမိကိုယ်ကို အန္တရာယ်ပြုသည့် အစီအစဉ်များကို ပြသခြင်း၊ အားပေးခြင်း သို့မဟုတ် မျှဝေခြင်းတို့ကို ကျွန်ုပ်တို့ ခွင့်မပြုပါ။
သင် သို့မဟုတ် သင်သိသောသူတစ်ဦးဦးသည် မိမိကိုယ်ကို သတ်သေရန် သို့မဟုတ် မိမိကိုယ်ကို အန္တရာယ်ပြုရန် အကြံအစည်ရှိပါက၊ ပံ့ပိုးကူညီမှု ရရှိနိုင်ပါသည်။သင့်ဒေသ သို့မဟုတ် ဒေသန္တရ အရေးပေါ် ဝန်ဆောင်မှုများရှိ မိမိကိုယ်ကို သေကြောင်းကြံစည်မှု ကာကွယ်ရေး အကူအညီဖုန်းလိုင်းကို ဆက်သွယ်ပါ။မိမိကိုယ်ကို အန္တရာယ်ပြုမည့် အစီအစဉ်အကြောင်း အသေးစိတ်အချက်အလက်များကို မျှဝေခြင်းကဲ့သို့သော လူ့အသက်အန္တရာယ် သို့မဟုတ် ပြင်းထန်သော ရုပ်ပိုင်းဆိုင်ရာ ထိခိုက်ဒဏ်ရာဖြစ်စေနိုင်သည်ဟု ယုံကြည်လောက်ဖွယ်ရှိပြီး လက်ငင်းကျရောက်မည့် အန္တရာယ်တစ်ခုအတိအကျရှိပါက ဒေသတွင်း အရေးပေါ်ဝန်ဆောင်မှုများကို ကျွန်ုပ်တို့က ဆက်သွယ်နိုင်ပါသည်။
နောက်ထပ် အချက်အလက်များ
ခွင့်မပြုထားပါ
ခွင့်ပြုထားသည်
ကျွန်ုပ်တို့သည် TikTok အား မိမိကိုယ်ကို တန်ဖိုးထားမှုကို အားပေးသည့် နေရာတစ်ခုအဖြစ် လိုလားပြီး အပျက်သဘောဆောင်သော လူမှုရေးနှိုင်းယှဉ်မှုများကို အားပေးသည့်နေရာ မဖြစ်စေလိုပါ။မူမမှန်သော စားသောက်မှုနှင့် အန္တရာယ်ရှိသော ကိုယ်အလေးချိန်လျှော့ချမှု အပြုအမူများအား ပြသခြင်း သို့မဟုတ် အားပေးခြင်း သို့မဟုတ် ကိုယ်အလေးချိန်ကျစေသော သို့မဟုတ် ကြွက်သားတက်စေသော ကုန်ပစ္စည်းများအတွက် အရောင်းအဝယ်ဖြစ်မြောက်စေရန် သို့မဟုတ် ဈေးကွက်ရှာဖွေရန် ကူညီပေးခြင်းကို ကျွန်ုပ်တို့ခွင့်မပြုပါ။
အကြောင်းအရာသည် အန္တရာယ်ဖြစ်နိုင်ဖွယ်ရှိသည့် ကိုယ်အလေးချိန်ထိန်းခြင်းကို ပြသပါက သို့မဟုတ် အားပေးပါက သို့မဟုတ် ကိုယ်အလေးချိန်ကျစေသော သို့မဟုတ် ကြွက်သားတက်စေသော ကုန်ပစ္စည်းများကို ဈေးကွက်ရှာဖွေပေးပါက ၎င်းသည် FYF အတွက် သတ်မှတ်ချက်မပြည့်မီဘဲ ကန့်သတ်ခံရမည် (18 နှစ်နှင့်အထက်ကိုသာ ပြသမည်)။အကြောင်းအရာသည် အလှအပရေးရာခွဲစိတ်ပြုပြင်မှုကို ပြထားပြီး အန္တရာယ် သတိပေးချက်များ မပါဝင်ပါက ၎င်းသည် FYF အတွက် သတ်မှတ်ချက်မပြည့်မီဘဲ ကန့်သတ်ခံရမည် (18 နှစ်နှင့်အထက်ကိုသာ ပြသမည်)။
သင် သို့မဟုတ် သင်သိသူ တစ်ဦးဦးသည် ခန္ဓာကိုယ်ပုံသဏ္ဌာန်၊ အစားအသောက် သို့မဟုတ် လေ့ကျင့်ခန်းနှင့် ပတ်သက်၍ စိုးရိမ်ပူပန်မှုများ ကြုံတွေ့နေရပါက ပံ့ပိုးကူညီမှု ရရှိနိုင်ပါသည်။သင့်ဒေသရှိ အကူအညီဖုန်းလိုင်းကို ဆက်သွယ်ပါ။
နောက်ထပ် အချက်အလက်များ
မူမမှန်သော စားသောက်မှုနှင့် အန္တရာယ်ရှိသော ကိုယ်အလေးချိန်လျှော့ချမှု အပြုအမူများ ဆိုသည်မှာ ကျန်းမာရေး သို့မဟုတ် စိတ်ချမ်းသာပျော်ရွှင်မှုကို သိသိသာသာ လက်ငင်းထိခိုက်စေနိုင်သည့် အလွန်အကျွံ လျှော့စားခြင်း သို့မဟုတ် အစားရှောင်ခြင်း သို့မဟုတ် ကိုယ်အလေးချိန်ကျစေရန် ဆေးဝါးများကို တလွဲသုံးစွဲခြင်း သို့မဟုတ် လေ့ကျင့်ခန်းအလွန်အကျွံလုပ်ခြင်းကို ရည်ညွှန်းသည်။
အန္တရာယ်ဖြစ်နိုင်သော ကိုယ်အလေးချိန်စီမံခန့်ခွဲမှုဆိုသည်မှာ ကျန်းမာရေး သို့မဟုတ် ကိုယ်စိတ်ချမ်းသာရေးအတွက် ရေရှည်အန္တရာယ်ဖြစ်စေနိုင်ပြီး အမြန် သို့မဟုတ် အပြင်းအထန် ကိုယ်အလေးချိန်လျော့ကျရန် သို့မဟုတ် ကြွက်သားကြီးထွားစေရန်အတွက် အသုံးပြုသော စားသောက်မှုပုံစံများ၊ ဆေးဝါးများ သို့မဟုတ် လေ့ကျင့်ခန်းများဖြစ်သည်။
ခွင့်မပြုထားပါ
အသက်ကန့်သတ်ထားသည် (18 နှစ်နှင့်အထက်)
FYF အတွက် သတ်မှတ်ချက်မပြည့်မီခြင်း
ခွင့်ပြုထားသည်
ကျွန်ုပ်တို့သည် ပျော်စရာကောင်းပြီး ဖန်တီးမှုရှိသော ခေတ်စားနေသည့်အရာများတွင် ပါဝင်နိုင်သည့် အခွင့်အရေးများကို ကြိုဆိုသည်။လှုပ်ရှားမှု သို့မဟုတ် စိန်ခေါ်မှုအများစုသည် လူတိုင်းအတွက် သင့်လျော်ပြီး လူများကို စည်းစည်းလုံးလုံး ရှိစေသော်လည်း သိသိသာသာ ထိခိုက်ဒဏ်ရာရနိုင်သည့် အန္တရာယ်အချို့ ရှိပါသည်။ကျွန်ုပ်တို့သည် အန္တရာယ်ရှိသော လှုပ်ရှားမှု သို့မဟုတ် စိန်ခေါ်မှုများကို ပြသခြင်း သို့မဟုတ် အားပေးခြင်းကို ခွင့်မပြုပါ။
အကြောင်းအရာတွင် ရုပ်ပိုင်းဆိုင်ရာ ထိခိုက်မှုဖြစ်စေနိုင်ပြီး အတုခိုးလိုက်လုပ်နိုင်သည့် လှုပ်ရှားမှုကို ပြသထားပါက ၎င်းသည် ကန့်သတ်ခံရပါမည် (18 နှစ်နှင့်အထက်ကိုသာ ပြသမည်)အကြောင်းအရာတွင် ရုပ်ပိုင်းဆိုင်ရာ အတန်အသင့် ထိခိုက်မှု ဖြစ်စေနိုင်သည့် လှုပ်ရှားမှုကို ပြသထားပါက ၎င်းသည် FYF အတွက် သတ်မှတ်ချက်မပြည့်မီပါ။သင်၏ TikTok အတွေ့အကြုံကို စီမံခန့်ခွဲရာတွင် သင့်အား ကူညီရန် ကျွန်ုပ်တို့သည် ဤအကြောင်းအရာအမျိုးအစားအပြင် ပြင်းထန်သော အားကစားများနှင့် စတန့်များကို လုပ်ဆောင်နေသော ကျွမ်းကျင်ပညာရှင်များကို ပြသသည့် အကြောင်းအရာများတွင် သတိပေး အချက်အလက်များကိုလည်း အသုံးပြုသည်။အွန်လိုင်းစိန်ခေါ်မှုတစ်ခုကို တွေ့ပါက ဘာလုပ်သင့်သလဲဆိုသည့် အကြောင်းကို ပိုမိုလေ့လာပါ။
နောက်ထပ် အချက်အလက်များ
အန္တရာယ်ရှိသော လှုပ်ရှားမှုနှင့် စိန်ခေါ်မှုများဆိုသည်မှာ ရုပ်ပိုင်းဆိုင်ရာ သိသိသာသာ ထိခိုက်စေနိုင်သည့် ရှိရင်းစွဲ သို့မဟုတ် သိထားပြီးသား အန္တရာယ်များကို ဖြစ်ပေါ်စေကာ ပညာရှင်မဟုတ်သူများ လုပ်ဆောင်ပြသသည့် လုပ်ရပ်များဖြစ်သည်။၎င်းတွင် စိန်ခေါ်မှုများ၊ ဂိမ်းများ၊ လှည့်ကွက်များ၊ အန္တရာယ်ရှိသော ကိရိယာများကို မလျော်မကန် အသုံးပြုခြင်းနှင့် တစ်ဦးတစ်ယောက်၏ ကျန်းမာရေးအတွက် အန္တရာယ်ရှိနိုင်သည့်အရာများကို စားခြင်း ပါဝင်သည်။
ရုပ်ပိုင်းဆိုင်ရာ သိသိသာသာ ထိခိုက်မှု ဆိုသည်မှာ ပုံမှန်အားဖြင့် ကျွမ်းကျင်ပညာရှင်ထံမှ ဆေးကုသမှုရယူရန် လိုအပ်ပြီး ယာယီ သို့မဟုတ် အမြဲတမ်း မသန်စွမ်းဖြစ်နိုင်ခြေ သို့မဟုတ် ပုံပန်းသဏ္ဌာန်ပျက်ယွင်းနိုင်ခြေရှိသည့် ထိခိုက်မှုကို ရည်ညွှန်းသည်။ယင်းတွင် အရိုးအဆစ်လွဲသွားခြင်း သို့မဟုတ် ကျိုးသွားခြင်း၊ အဆိပ်သင့်ခြင်း၊ သတိလစ်ခြင်း၊ ပြင်းထန်သော မီးလောင်ဒဏ်ရာများ၊ ဓာတ်လိုက်ခံရခြင်း၊ ထိမှန်ခြင်းနှင့် လည်ချောင်းနင်ခြင်းများ ပါဝင်သည်။
ရုပ်ပိုင်းဆိုင်ရာ အတန်အသင့် ထိခိုက်မှု ဆိုသည်မှာ ပညာရှင်၏ ဆေးဝါးကုသမှုခံယူရန် မလိုအပ်လောက်ဘဲ မသန်စွမ်းမှု သို့မဟုတ် ရုပ်ပျက်ဆင်းပျက်ဖြစ်နိုင်သည့် အန္တရာယ်ကိုမဖြစ်ပေါ်စေသည့် ထိခိုက်မှုဖြစ်သည်။၎င်းတွင် သွေးအနည်းငယ်ထွက်သော ပြတ်ရှမှုအသေးစားများနှင့် ခန္ဓာကိုယ်တွင် အနည်းအကျဉ်းပွန်းပဲ့ဒဏ်ရာများ ပါဝင်ပါသည်။
ခွင့်မပြုထားပါ
အသက်ကန့်သတ်ထားသည် (18 နှစ်နှင့်အထက်)
FYF အတွက် သတ်မှတ်ချက်မပြည့်မီခြင်း
ခွင့်ပြုထားသည်