TikTok တွင် ဘေးကင်းရေးနှင့် လူ့အခွင့်အရေးကို လေးစားလိုက်နာရန် ကျွန်ုပ်တို့၏ ကတိကဝတ်အပေါ် အခြေခံထားသည့် အသိုင်းအဝိုင်း အခြေခံမူ ရှစ်ချက်ရှိသည်။ကျွန်ုပ်တို့၏ အခြေခံမူများသည် ကျွန်ုပ်တို့၏ နေ့စဉ်လုပ်ငန်းဆောင်တာများကို ပုံဖော်ကာ ခက်ခဲသော စည်းကမ်းထိန်းသိမ်းမှု ဆုံးဖြတ်ချက်များကို ကျွန်ုပ်တို့ မည်ကဲ့သို့ကိုင်တွယ်ရမည်ကို လမ်းညွှန်ပေးသည်။၎င်းတို့ အလေးပေးထားသည် အကြောင်းအရာများ-

• အန္တရာယ်မဖြစ်အောင် ကာကွယ်ခြင်းနှင့် ထုတ်ဖော်ပြသခွင့်ကို ဟန်ချက်ထိန်းညှိခြင်း
• လူ့ဂုဏ်သိက္ခာကို လက်ခံယုံကြည်ခြင်း
• ကျွန်ုပ်တို့၏ လုပ်ဆောင်ချက်များ တရားမျှတမှုရှိအောင် သေချာဆောင်ရွက်ခြင်း

တစ်ခါတစ်ရံ ဤအခြေခံမူများသည် တစ်ခုနှင့်တစ်ခု အားပြိုင်နေမည်ကို ကျွန်ုပ်တို့ နားလည်သဘောပေါက်ထားသည့်အတွက် အခြေခံမူ တစ်ခုနှင့်တစ်ခုကြား ချိန်ဆရွေးချယ်သောအခါတွင် ကျွန်ုပ်တို့ ဂရုတစိုက် စဉ်းစားပါသည်။ဤထည့်သွင်းစဉ်းစားမှုများကို စီးပွားရေးလုပ်ငန်းနှင့် လူ့အခွင့်အရေးဆိုင်ရာ ကုလသမဂ္ဂ လမ်းညွှန်အခြေခံမူများ၊ နိုင်ငံတကာ လူ့အခွင့်အရေး ကြေညာစာတမ်း၊ ကလေးသူငယ် အခွင့်အရေးဆိုင်ရာ သဘောတူညီချက်နှင့် ဆန်တာ ကလာရာ အခြေခံမူများအပါအဝင် နိုင်ငံတကာဥပဒေ မူဘောင်များနှင့် လုပ်ငန်းနယ်ပယ်ဆိုင်ရာ အကောင်းဆုံးကျင့်ထုံးများအရ အသိပေးဆောင်ရွက်ထားပါသည်။ကျွန်ုပ်တို့သည် ကျွန်ုပ်တို့၏ အသိုင်းအဝိုင်း၊ ဘေးကင်းရေးနှင့် ပြည်သူ့ကျန်းမာရေး ကျွမ်းကျင်သူများနှင့် ကျွန်ုပ်တို့၏ အကြံပေးကောင်စီများထံမှ အကြံဉာဏ်များကိုလည်း ရယူပါသည်။

1. အန္တရာယ်မဖြစ်အောင် ကာကွယ်ခြင်း- ကျွန်ုပ်တို့သည် TikTok ကို ဘေးကင်းပြီး ပျော်ရွှင်စရာ နေရာတစ်ခု ဖြစ်နေစေရန် အဓိက အာရုံစိုက်ပါသည်။အကြောင်းအရာ သို့မဟုတ် အပြုအမူကြောင့် ကျွန်ုပ်တို့၏ မတူကွဲပြားသော လူမှုအသိုင်းအဝိုင်းအပေါ် သက်ရောက်မှုရှိနိုင်သည့် နည်းလမ်းများစွာကို ကျွန်ုပ်တို့က ထည့်သွင်းစဉ်းစားပါသည်။၎င်းတွင် လူတစ်ဦးချင်းစီ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ ငွေကြေးနှင့် ကိုယ်ရေးလုံခြုံမှု ထိခိုက်မှုအန္တရာယ်များအပြင် လူမှုအသိုင်းအဝိုင်းဆိုင်ရာ ထိခိုက်မှုအန္တရာယ်များလည်း ပါဝင်သည်။လွတ်လပ်စွာ ထုတ်ဖော်ပြသခွင့်နှင့် မှန်ကန်သော ထိန်းညှိမှုကို လုပ်ဆောင်ရန်၊ ကျွန်ုပ်တို့သည် လိုအပ်သည့်အခါတွင်သာ အကြောင်းအရာကို ကန့်သတ်ရန်နှင့် စကားပြောဆိုမှုအပေါ် သက်ရောက်မှု အနည်းဆုံးဖြစ်စေရန် နည်းလမ်းဖြင့် ကန့်သတ်ထားပါသည်။
2. လွတ်လပ်စွာ ထုတ်ဖော်ပြသခွင့်ပေးခြင်း- ထုတ်ဖော်ပြသခွင့်ဖြင့် လမ်းဖွင့်ပေးသော တီထွင်ဖန်တီးနိုင်စွမ်းသည် ကျွန်ုပ်တို့၏ တက်ကြွသောအသိုင်းအဝိုင်းကို ခွန်အားဖြစ်စေသည်။ကျွန်ုပ်တို့၏ ပလက်ဖောင်းပေါ်တွင် လွတ်လပ်စွာမျှဝေခွင့်ပေးပြီး အခြားသူများ၏ လွတ်လပ်စွာပြောဆိုခွင့်ကို ဟန့်တားနိုင်သော အပြုအမူအား ကြိုတင်၍ ကိုင်တွယ်ဖြေရှင်းခြင်းဖြင့်လည်း ဤအခြေခံမူကို ကျွန်ုပ်တို့ လိုက်နာပါသည်။သို့သော် လွတ်လပ်စွာ ထုတ်ဖော်ပြသခွင့်သည် အကြွင်းမဲ့အခွင့်အရေး မဟုတ်ပါ - ဖြစ်လာနိုင်သော အန္တရာယ်နှင့် ၎င်းကို အချိုးချလျက် အမြဲတမ်း ထည့်သွင်းစဉ်းစားပြီး ထိုအခွင့်အရေးသည် သင့်အကြောင်းအရာကို သင့်အတွက် သတင်းစဉ်တွင် အကြံပြုပေးခြင်းအပေါ် သက်ရောက်မှုမရှိပါ။
3. နွေးထွေးယဉ်ကျေးမှုကို အားပေးမြှင့်တင်ခြင်း- နွေးထွေးယဉ်ကျေးမှုသည် လူများ တစ်ဦးနှင့်တစ်ဦး လေးစားမှုရှိစေပြီး အသိုင်းအဝိုင်းများ တိုးတက်ဖြစ်ထွန်းရန် ကူညီပေးပါသည်။အွန်လိုင်းတွင် ကျွန်ုပ်တို့အချင်းချင်း ထိတွေ့ဆက်ဆံပုံသည် တစ်ခါတစ်ရံတွင် အခြားသူများနှင့် ကောင်းမွန်သော အပြန်အလှန်ပြောဆိုမှုများကို ခြိမ်းခြောက်နိုင်စေပါသည်။ ထို့ကြောင့် TikTok တွင် နွေးထွေးယဉ်ကျေးခြင်းသည် ကျွန်ုပ်တို့၏ ရည်မှန်းချက်အတွက် အရေးကြီးပါသည်။ဆိုလိုသည်မှာ လူတိုင်း၏ အခြေခံ ဂုဏ်သိက္ခာကို အသိအမှတ်ပြုပြီး ကျွန်ုပ်တို့ တစ်ဦးနှင့်တစ်ဦး မျက်နှာချင်းဆိုင် ပြောဆိုဆက်ဆံနေသကဲ့သို့ ပြုမူဆောင်ရွက်ရန် ဖြစ်သည်။ထုတ်ဖော်ပြသနိုင်သည့် နေရာဖြစ်ကြောင်း သေချာစေရန်အတွက် အထင်ကရပုဂ္ဂိုလ်များကို လူမှုရေး ဆန်းစစ်ဝေဖန်မှုများအတွက် ပိုမိုလွတ်လပ်ခွင့် ပေးထားပါသည်။
4. ဒေသအလိုက် ဆက်စပ်အခြေအနေကို လေးစားခြင်း- TikTok သည် မျှဝေထားသော ဒစ်ဂျစ်တယ်နေရာတစ်ခုတွင် နိုင်ငံပေါင်း 150 ကျော်မှ လူဦးရေ တစ်ဘီလီယံကျော် စုဝေးရာနေရာဖြစ်ပါသည်။ကျွန်ုပ်တို့သည် တစ်ကမ္ဘာလုံးအတိုင်းအတာဖြင့် ချဉ်းကပ်ဆောင်ရွက်မှု၌ ဒေသအသီးသီးတွင် အန္တရာယ်များ ရင်ဆိုင်ကြုံတွေ့ရပုံကို ထည့်သွင်းစဉ်းစားကြောင်း သေချာစေရန် ဒေသဆိုင်ရာ ကျွမ်းကျင်သူများနှင့် ဒေသခံ အသိုင်းအဝိုင်းများနှင့် ပူးပေါင်းဆောင်ရွက်၍ ကျွန်ုပ်တို့၏ လမ်းညွှန်ချက်များကို ဒေသတွင်း အသုံးချနိုင်အောင် ဆောင်ရွက်သလို နိုင်ငံတကာ အသိအမှတ်ပြုထားသည့် လူ့အခွင့်အရေး အခြေခံစံနှုန်းကိုလည်း ထိန်းသိမ်းထားသည်။
5. အားလုံးပါဝင်ခွင့်ကို အားပေးထောက်ခံခြင်း- ကျွန်ုပ်တို့သည် ကျွန်ုပ်တို့၏ပလက်ဖောင်းတွင် ကမ္ဘာတစ်ဝန်းမှလူများအား လက်ခံကြိုဆိုခံရစေချင်ပါသည်။ကျွန်ုပ်တို့သည် မတူညီသော ယဉ်ကျေးမှုများ၊ အထောက်အထားများ၊ အသွင်အပြင်များ၊ အမြင်များ၊ စိတ်ဝင်စားမှုများနှင့် အတွေ့အကြုံများကို တန်ဖိုးထား၍ ဂုဏ်ပြုပါသည်။အချို့သော လူမှုအသိုင်းအဝိုင်းများအနေဖြင့် ထိတွေ့ဆက်ဆံမှု ပြုလုပ်နိုင်သည့် အခွင့်အလမ်းမှာ သမိုင်းကြောင်းအရ နည်းပါးကြောင်း ကျွန်ုပ်တို့သိသဖြင့် ကျွန်ုပ်တို့သည် တန်းတူညီမျှမှု အခြေခံမူကိုလိုက်နာပြီး ဘေးဖယ်ခံထားရသော အုပ်စုများအပေါ် အချိုးအစားမမျှသော ထိခိုက်နစ်နာမှုများကို လျော့ပါးသက်သာစေရန် ကတိပြုထားသည်။
6. လူတစ်ဦးချင်းစီ၏ ကိုယ်ရေးလုံခြုံမှုကို အကာအကွယ်ပေးခြင်း- ကျွန်ုပ်တို့သည် ကျွန်ုပ်တို့၏ လူမှုအသိုင်းအဝိုင်းနှင့် ပလက်ဖောင်းပေါ်ရှိ အကြောင်းအရာများတွင် ပြသသည့် သို့မဟုတ် ဆွေးနွေးနေသည့် လူတစ်ဦးချင်းစီ၏ ကိုယ်ရေးလုံခြုံမှုကို ကာကွယ်ပေးပြီး လေးစားလိုက်နာရန် ကတိပြုထားသည်။ပလက်ဖောင်းပေါ်တွင် မျှဝေထားသော အကြောင်းအရာများသည် မည်သူတစ်ဦးတစ်ယောက်၏ ကိုယ်ရေးကိုယ်တာအချက်အလက်များကိုမျှ ထုတ်ဖော်ပြသခြင်း သို့မဟုတ် ၎င်းတို့၏ အတွင်းရေး ကိုယ်ရေးလုံခြုံမှုကို ချိုးဖောက်ခြင်း မပြုလုပ်ကြောင်း သေချာစေရန် ကျွန်ုပ်တို့ ကြိုးပမ်းပါသည်။
7. ပွင့်လင်းမြင်သာမှုနှင့် တစ်သမတ်တည်းဖြစ်မှုကို ပြသခြင်း- ကျွန်ုပ်တို့၏ စည်းမျဉ်းများနှင့် စံနှုန်းများအကြောင်း အချက်အလက်များနှင့် ၎င်းတို့ကို မည်သို့ကျင့်သုံးကြောင်းကို လူတိုင်းအား သိရှိစေလိုသည်။ကျွန်ုပ်တို့သည် ကျွန်ုပ်တို့၏မူဝါဒများနှင့် အလေ့အကျင့်များကို ရှင်းလင်းပြတ်သားစွာ အသိပေးရန်၊ ၎င်းတို့ကို တစ်သမတ်တည်းနှင့် မျှမျှတတကျင့်သုံးရန်နှင့် ကျွန်ုပ်တို့၏ ပွင့်လင်းမြင်သာမှုစင်တာတွင် ကျွန်ုပ်တို့၏ စည်းကမ်းထိန်းသိမ်းမှု ကြိုးပမ်းချက်များကို မျှဝေရန် ကြိုးပမ်းနေပါသည်။တစ်သမတ်တည်းဖြစ်မှုထက် ဒေသအလိုက် ဆက်စပ်အခြေအနေ သို့မဟုတ် အားလုံးပါဝင်ခွင့်ကဲ့သို့သော အခြားအခြေခံမူကို ဦးစားပေးလုပ်ဆောင်ရန် လိုအပ်သည့်အခါ လမ်းညွှန်ချက်များတွင် ရှင်းလင်းစွာဖော်ပြပါမည်။
8. တရားမျှတမှုရှိခြင်း- နေ့စဉ် သန်းနှင့်ချီသော အကြောင်းအရာများကို စိစစ်ရခြင်းသည် ရှုပ်ထွေးသော အလုပ်တစ်ခုဖြစ်ပြီး ထိုသို့ပြုလုပ်ရန် ယုံကြည်စိတ်ချရသော လုပ်ငန်းစဉ်ကို ဖော်ဆောင်ခြင်းသည် အခြေခံကျပါသည်။ကျွန်ုပ်တို့သည် ဘက်လိုက်ခြင်းမရှိဘဲ အထောက်အထားကိုအခြေခံရန်၊ တရားမျှတသောရလဒ်များ ထုတ်ပေးရန်၊ စည်းကမ်းထိန်းသိမ်းမှု လုပ်ဆောင်ချက်များကို အသိပေးရန်နှင့် အယူခံဝင်နိုင်သည့် အခွင့်အရေးပေးရန် ကတိပြုထားပါသည်။