ကာယပိုင်းဆိုင်ရာနှင့် စိတ်ပိုင်းဆိုင်ရာ ဘေးကင်းရေးသည် တစ်ဦးချင်း ပျော်ရွှင်မှု၏ အခြေခံအုတ်မြစ်ဖြစ်ပြီး နွေးထွေးယဉ်ကျေးခြင်းသည် တိုးတက်သောအသိုင်းအဝိုင်းတစ်ခုအတွက် အဓိကသော့ချက်ဖြစ်ပါသည်။ယဉ်ကျေးစွာနေထိုင်ခြင်းမှာ သင်သည် လူအများနှင့် အမြဲတမ်းသဘောတူလုပ်ဆောင်နေရမည်ဟု မဆိုလိုပါ။ သို့သော် လူတိုင်း၏ထိုက်တန်မှုကို အသိအမှတ်ပြုရန်နှင့် အခြားသူများကို ဆက်ဆံရာတွင် အပြုအမူ၊ အပြောအဆိုနှင့် လေသံတို့တွင် လေးစားမှုရှိခြင်းကိုသာ ဆိုလိုပါသည်။

အချင်းချင်းကြား ကိုယ်ထိလက်ရောက် ပဋိပက္ခများ မဖြစ်စေဘဲ လူများကို အတူတကွ စုစည်းမှုရှိစေရန် ကျွန်ုပ်တို့ ကတိပြုထားပါသည်။အကြမ်းဖက်မှုနှင့်ဆိုင်သည့် အွန်လိုင်းအကြောင်းအရာများသည် ပြင်ပလောကတွင် ထိခိုက်နစ်နာစေနိုင်ကြောင်း ကျွန်ုပ်တို့သတိပြုမိပါသည်။လူ၊ တိရစ္ဆာန်များ သို့မဟုတ် ပိုင်ဆိုင်မှုပစ္စည်းများကို ထိခိုက်စေနိုင်သော အကြမ်းဖက်ခြိမ်းခြောက်မှုများ၊ အကြမ်းဖက်မှုကို အားပေးခြင်း၊ အကြမ်းဖက်မှုကို လှုံ့ဆော်ခြင်း သို့မဟုတ် ရာဇဝတ်မှုဆိုင်ရာ လုပ်ဆောင်ချက်များကို အားပေးခြင်းအား ကျွန်ုပ်တို့ ခွင့်မပြုပါ။

လူသားတို့၏ အသက်အန္တရာယ် သို့မဟုတ် ပြင်းထန်သော ရုပ်ပိုင်းဆိုင်ရာ ထိခိုက်ဒဏ်ရာရရှိမှုများအတွက် တိကျသော၊ ယုံကြည်လောက်ဖွယ်ရှိပြီး ဖြစ်အံ့ဆဲဆဲ ခြိမ်းခြောက်မှုတစ်ခုရှိပါက၊ ကျွန်ုပ်တို့သည် ၎င်းကို သက်ဆိုင်ရာ ဥပဒေစိုးမိုးရေးအာဏာပိုင်များထံ တိုင်ကြားပါသည်။

အကြမ်းဖက်မှု ပုံရိပ်များ ပါဝင်သော်လည်း အကြမ်းဖက်မှုကို အားပေးခြင်းမရှိသော အကြောင်းအရာများကို ကျွန်ုပ်တို့ မည်သို့ကိုင်တွယ်လုပ်ဆောင်ပုံအကြောင်း အသေးစိတ်ကို သိရှိရန် ထိတ်လန့်စရာနှင့် အနိဋ္ဌာရုံ သရုပ်ဖော်အကြောင်းအရာကို ကြည့်ပါ။

TikTok သည် ကျွန်ုပ်တို့၏ အသိုင်းအဝိုင်းရှိ မတူကွဲပြားမှုကြောင့် ပိုမိုပြည့်စုံနေခြင်းဖြစ်ပါသည်။ကျွန်ုပ်တို့၏ မတူညီမှုများသည် စိတ်ဝမ်းကွဲပြားစေသည့် အကြောင်းရင်းဖြစ်ရမည့်အစား လက်ခံပေးရမည့်အရာ ဖြစ်သင့်ပါသည်။အမုန်းစကား၊ အမုန်းပွားစေသည့် အပြုအမူ သို့မဟုတ် အမုန်းပွားစေသော သဘောတရားများကို အားပေးအားမြှောက်ပြုခြင်းကို ခွင့်မပြုပါ။၎င်းတွင် အကာအကွယ်ပေးထားသော အုပ်စုတစ်ခုကို တိုက်ခိုက်သည့် အတိအလင်း ဖော်ပြသော သို့မဟုတ် သွယ်ဝိုက်ညွှန်းဆိုသော အကြောင်းအရာများ ပါဝင်သည်။

TikTok တွင် လူမှုရေးကိစ္စရပ်များအကြောင်း ဆွေးနွေးမှုများ ရှိသည့်အခါ ကျွန်ုပ်တို့သည် ၎င်းတို့ကို လေးစားမှုရှိစေလိုသည်။အကြောင်းအရာသည် အကာအကွယ်ပေးထားသော အုပ်စုများကို သွယ်ဝိုက်၍ သိက္ခာချသည့်အခါ ၎င်းသည် FYF အတွက် သတ်မှတ်ချက်မပြည့်မီနိုင်ပါ။

မုန်းတီးခြင်းကို ဆန့်ကျင်တုံ့ပြန်ရန်အတွက် ကျွန်ုပ်တို့၏ ဆောင်ရွက်ချက်အပြင် မှတ်ချက်များ၊ စုံတွဲတင်ဆက်မှု၊ တွဲဆက်မှုနှင့် မက်ဆေ့ချ်ပို့ခြင်းအတွက် ကန့်သတ်သည့် ရွေးချယ်စရာများ အပါအဝင် မလိုလားအပ်သော အပြန်အလှန်တုံ့ပြန်မှုများကို ကူညီကန့်သတ်ပေးသည့် ကိရိယာများအကြောင်း ပိုမိုလေ့လာပါ။

ကျွန်ုပ်တို့သည် သင့်ကို စိတ်အားထက်သန်မှုရှိအောင် လှုံ့ဆော်အားပေးသော အကြောင်းအရာကို မျှဝေစေလိုသော်လည်း TikTok သည် အကြမ်းဖက်မှု သို့မဟုတ် အမုန်းတရားကို အားပေးသည့် ယုံကြည်ချက်များ သို့မဟုတ် ဝါဒများကို ဖြန့်ရန် နေရာတစ်ခု မဟုတ်ပါ။ကျွန်ုပ်တို့၏ပလက်ဖောင်းတွင် အကြမ်းဖက်ပြီး အမုန်းပွားစေသည့် အဖွဲ့အစည်းများ သို့မဟုတ် လူပုဂ္ဂိုလ်များ ရှိနေခြင်းကို ကျွန်ုပ်တို့ ခွင့်မပြုပါ။ ဤကဲ့သို့လုပ်ဆောင်သူများတွင် အကြမ်းဖက် အစွန်းရောက်များ၊ အကြမ်းဖက် ရာဇဝတ် အဖွဲ့အစည်းများ၊ အကြမ်းဖက် နိုင်ငံရေး အဖွဲ့အစည်းများ၊ အမုန်းပွားစေသည့် အဖွဲ့အစည်းများနှင့် ကွင်းဆက် သို့မဟုတ် အစုလိုက်အပြုံလိုက် အကြမ်းဖက်မှု ကျူးလွန်သူများ ပါဝင်ပါသည်။အကယ်၍ ထိုကဲ့သို့လုပ်ဆောင်သူများသည် ကျွန်ုပ်တို့၏ပလက်ဖောင်းတွင် ရှိနေနိုင်သည်ကို ကျွန်ုပ်တို့ သတိထားမိပါက ကျွန်ုပ်တို့သည် ပလက်ဖောင်းပြင်ပ အပြုအမူအပါအဝင် ထိုကဲ့သို့အပြုအမူများကို စေ့စေ့စပ်စပ် ပြန်လည်ဆန်းစစ်မှုကို လုပ်ဆောင်မည်ဖြစ်ပြီး တွေ့ရှိပါက အကောင့်ပိတ်ပင်ခံရမည်ဖြစ်သည်။

မကြာခဏဆိုသလို ဤလုပ်ဆောင်သူများ၏ အတွေးအမြင်များကို အခြားသူများက ချဲ့ကားတတ်ကြပါသည်။အကြမ်းဖက်သော သို့မဟုတ် အမုန်းပွားစေသည့်လုပ်ရပ်ကို ကျူးလွန်သူများအား အားပေးအားမြှောက်ပြုရန် သို့မဟုတ် ပစ္စည်းဥစ္စာအားဖြင့် ကူညီပံ့ပိုးရန် ကျွန်ုပ်တို့က မည်သူ့ကိုမျှ ခွင့်မပြုပါ။ ကြားနေသဘောဖြစ်ဟန်တူသည့် အကြောင်းအရာသည် အမုန်းပွားစေသည့် အဖွဲ့အစည်းတစ်ခု သို့မဟုတ် လူပုဂ္ဂိုလ်တစ်ဦး၏ အဆိုကို ထည့်သွင်းဖော်ပြထားခြင်းကဲ့သို့သော လုပ်ရပ်ကို လုပ်ဆောင်ထားလျှင် ထိုအဆိုကို အားပေးအားမြှောက်ပြုရန် ရည်ရွယ်ချက်မရှိကြောင်း ရှင်းရှင်းလင်းလင်း ဖော်ပြရပါမည်။ ကျွန်ုပ်တို့သည် အကြမ်းဖက် နိုင်ငံရေးအဖွဲ့အစည်းများအကြောင်း ဆွေးနွေးမှုများကို ကန့်သတ်ချက်ဖြင့် ခြွင်းချက်ထားရှိပေးထားသည်။

TikTok ကို သုံးရခြင်းသည် အသက်ငယ်သူများအတွက် ဘေးကင်းပြီး ကောင်းမွန်သော အတွေ့အကြုံတစ်ခု ဖြစ်စေရန် ကျွန်ုပ်တို့ အလေးအနက် ကတိပြုသည်။လူငယ်များအပေါ် လိင်ပိုင်းဆိုင်ရာအားဖြင့်ဖြစ်စေ၊ ကိုယ်ထိလက်ရောက်ဖြစ်စေ စော်ကားခြင်း သို့မဟုတ် အမြတ်ထုတ်ခြင်းကို ပြသခြင်း၊ အားပေးခြင်း သို့မဟုတ် ထိုကိစ္စများတွင် ပါဝင်ဆောင်ရွက်ခြင်းကို ကျွန်ုပ်တို့ ခွင့်မပြုပါ။ ၎င်းတွင် ကလေးသူငယ်များအပေါ် လိင်ပိုင်းဆိုင်ရာ စော်ကားသည့် အကြောင်းအရာများ (CSAM)၊ လက်သပ်မွေးခြင်း၊ လိင်ပိုင်းဆိုင်ရာ ခြိမ်းခြောက်ခြင်း၊ လိင်ပိုင်းဆိုင်ရာ မြှူဆွယ်ခြင်း၊ ကလေးသူငယ်များအပေါ် လိင်စိတ်တိမ်းညွတ်မှုနှင့် လူငယ်များအား ရုပ်ပိုင်းဆိုင်ရာ သို့မဟုတ် စိတ်ပိုင်းဆိုင်ရာ အန္တရာယ်ပြုခြင်း ပါဝင်သည်။

ကျွန်ုပ်တို့သည် လူငယ်များအပေါ် လိင်ပိုင်းဆိုင်ရာ စော်ကားမှုနှင့် အမြတ်ထုတ်မှုနှင့် ညှဉ်းပန်းနှိပ်စက်မှု ဖြစ်ရပ်များကို ပျောက်ဆုံးနေသောနှင့် အမြတ်ထုတ်ခံရသော ကလေးငယ်များဆိုင်ရာ အမျိုးသားဗဟိုဌာန (NCMEC) သို့ တိုင်ကြားသည်။ကျွန်ုပ်တို့သည် လူ့အသက်အန္တရာယ် သို့မဟုတ် ပြင်းထန်သော ရုပ်ပိုင်းဆိုင်ရာ ထိခိုက်ဒဏ်ရာဖြစ်စေမည်ဟု တိကျသော၊ ယုံကြည်ရလောက်ပြီး ဖြစ်အံ့ဆဲဆဲ ခြိမ်းခြောက်မှုတစ်ခု ရှိသောအခါ သက်ဆိုင်ရာ ဥပဒေစိုးမိုးရေး အာဏာပိုင်များထံသို့လည်း တိုင်ကြားသည်။သံသယဖြစ်ဖွယ် CSAM ကို တွေ့ပါက အက်ပ်ထဲတွင်ဖြစ်စေ၊ ကျွန်ုပ်တို့၏ ဝက်ဘ်ဆိုက်တွင်ဖြစ်စေ ၎င်းကို ချက်ချင်းတိုင်ပါ။CSAM အကြောင်းအရာကို မည်သည့်နည်းဖြင့်မဆို ဒေါင်းလုဒ်လုပ်ခြင်း၊ ရိုက်ကူးခြင်း သို့မဟုတ် မျှဝေခြင်း မပြုပါနှင့်။

သင် သို့မဟုတ် သင်သိသောသူတစ်ဦးဦးသည် လူငယ်များအပေါ် လိင်ပိုင်းဆိုင်ရာ စော်ကားခြင်း သို့မဟုတ် အမြတ်ထုတ်ခြင်းကို ကြုံတွေ့ဖူးပါက၊ ပံ့ပိုးကူညီမှုရရှိနိုင်ပါသည်။သင့်ဒေသအတွင်းရှိ အကူအညီဖုန်းလိုင်း သို့မဟုတ် ဝန်ဆောင်မှုပေးသူကို ဆက်သွယ်ပါ။အကယ်၍ သင်သည် ရုတ်တရက် အန္တရာယ်ကြုံလာပါက၊ သင့်ဒေသဆိုင်ရာ အရေးပေါ်ဝန်ဆောင်မှုများကို ဆက်သွယ်ပါ။

ကျား/မ တန်းတူညီမျှမှုကိုလက်ခံကာ၊ အကျိုးရှိသော ဆက်ဆံရေးကိုပံ့ပိုးပေးပြီး အတွင်းရေး ကိုယ်ရေးလုံခြုံမှုကို လေးစားမှုရှိသော နေရာတစ်ခုကို ပေးဆောင်ရန် ကျွန်ုပ်တို့ကတိပြုထားပါသည်။ဤတန်ဖိုးများကို လျော့ပါးစေခြင်းသည် စိတ်ဒဏ်ရာကို ဖြစ်စေနိုင်ပြီး ကာယပိုင်းဆိုင်ရာနှင့် စိတ်ပိုင်းဆိုင်ရာ ထိခိုက်မှုများကို ဖြစ်စေနိုင်ပါသည်။အရွယ်ရောက်ပြီးသူအပေါ် လိင်ပိုင်းဆိုင်ရာအရဖြစ်စေ၊ ကိုယ်ထိလက်ရောက်ဖြစ်စေ စော်ကားမှု သို့မဟုတ် အမြတ်ထုတ်မှုကို ပြသခြင်း၊ အားပေးခြင်း သို့မဟုတ် ထိုကိစ္စများတွင် ပါဝင်ဆောင်ရွက်ခြင်းကို ကျွန်ုပ်တို့ ခွင့်မပြုပါ။ ၎င်းတွင် အလိုမတူသော လိင်ပိုင်းဆိုင်ရာ လုပ်ရပ်များ၊ ရုပ်ပုံအခြေပြု လိင်ပိုင်းဆိုင်ရာ စော်ကားမှု၊ လိင်ပိုင်းဆိုင်ရာ ခြိမ်းခြောက်မှု၊ ကိုယ်ထိလက်ရောက် စော်ကားမှုနှင့် လိင်ပိုင်းဆိုင်ရာ နှောင့်ယှက်မှုတို့ ပါဝင်သည်။

သင် သို့မဟုတ် သင့်အသိတစ်ဦးဦးသည် စော်ကားခြင်း သို့မဟုတ် အမြတ်ထုတ်ခြင်းကို ကြုံတွေ့ရပါက ပံ့ပိုးကူညီမှု ရရှိနိုင်ပါသည်။သင့်ဒေသအတွင်းရှိ အကူအညီဖုန်းလိုင်း သို့မဟုတ် ဝန်ဆောင်မှုပေးသူကို ဆက်သွယ်ပါ။အကယ်၍ သင်သည် ရုတ်တရက် အန္တရာယ်ကြုံလာပါက၊ သင့်ဒေသဆိုင်ရာ အရေးပေါ်ဝန်ဆောင်မှုများကို ဆက်သွယ်ပါ။အကယ်၍ သင်သည် ကျွန်ုပ်တို့၏ ပလက်ဖောင်းတွင် အတွင်းရေး ကိုယ်ရေးလုံခြုံမှုဆိုင်ရာ ချိုးဖောက်မှုတစ်ခုကို ကြုံတွေ့ခဲ့ရသည်ဟု ယုံကြည်ပါက ၎င်းကိုတိုင်ကြားနိုင်ပါသည်။

ကျွန်ုပ်တို့သည် တစ်ဦးချင်းစီ၏ လူ့ဂုဏ်သိက္ခာကို ထိန်းသိမ်းပြီး အားနည်းချက်ရှိသူများကို အခွင့်ကောင်းယူရန် TikTok ကို အသုံးမပြုကြောင်း သေချာအောင်ဆောင်ရွက်မည်ဟု ကတိပြုထားပါသည်။လူကုန်ကူးခြင်းနှင့် လူမှောင်ခိုကူးခြင်းကို ကျွန်ုပ်တို့ ခွင့်မပြုပါ။ လူကုန်ကူးခြင်းနှင့် လူမှောင်ခိုကူးခြင်းမှ လွတ်မြောက်လာသူများအနေဖြင့် ၎င်းတို့၏ ဇာတ်လမ်းများကို မျှဝေနိုင်ရန်နှင့် ရွှေ့ပြောင်းနေထိုင်သူများအနေဖြင့် ၎င်းတို့၏ ခရီးစဉ်များကို မှတ်တမ်းတင်နိုင်ရန် မည်မျှအရေးကြီးကြောင်း ကျွန်ုပ်တို့ နားလည်ထားသောကြောင့် ထိုသို့လုပ်ဆောင်နိုင်မည့် နေရာတစ်ခု စီစဉ်ပေးထားပါသည်။

ကျွန်ုပ်တို့သည် လူငယ်များအား လိင်လူကုန်ကူးမှု ဖြစ်ရပ်များကို ပျောက်ဆုံးနေသော၊ အမြတ်ထုတ်ခံရသော ကလေးငယ်များဆိုင်ရာ အမျိုးသားဗဟိုဌာန (NCMEC) ထံ တိုင်ကြားပါသည်။ကျွန်ုပ်တို့သည် လူ့အသက်အန္တရာယ် သို့မဟုတ် ပြင်းထန်သော ရုပ်ပိုင်းဆိုင်ရာ ထိခိုက်ဒဏ်ရာဖြစ်စေမည်ဟု တိကျသော၊ ယုံကြည်ရလောက်ပြီး ဖြစ်အံ့ဆဲဆဲ ခြိမ်းခြောက်မှုတစ်ခု ရှိသောအခါ သက်ဆိုင်ရာ ဥပဒေစိုးမိုးရေး အာဏာပိုင်များထံသို့လည်း တိုင်ကြားသည်။

မတူညီသော အမြင်ရှုထောင့်များအား လေးစားစွာ ထုတ်ဖော်ပြောဆိုမှုကို ကျွန်ုပ်တို့ကြိုဆိုပြီး မည်သူမဆို သိက္ခာချခံရမည်ကို သို့မဟုတ် အနိုင်ကျင့်ခံရမည်ကို ကြောက်ရွံ့ခြင်းမရှိဘဲ ၎င်းတို့၏သဘောထားကို မျှဝေနိုင်စေရန် ကျွန်ုပ်တို့အာမခံလိုပါသည်။နှောင့်ယှက်သော၊ သိက္ခာချသော သို့မဟုတ် အနိုင်ကျင့်သော ရေးသားပြောဆိုမှုများ သို့မဟုတ် အပြုအမူကို ကျွန်ုပ်တို့ခွင့်မပြုပါ။၎င်းတွင် ထိုသို့သောလုပ်ရပ်များကို လက်တုံ့ပြန် နှောင့်ယှက်၍ တုံ့ပြန်ခြင်း ပါဝင်သည်။

အထင်ကရပုဂ္ဂိုလ်များသည် အများသူငှာ၏ အာရုံစိုက်မှုကို ခံရပြီး မကောင်းသောပြောစကားများကို တုံ့ပြန်ရန် နည်းလမ်းများရှိကြောင်းနှင့် ၎င်းတို့နှင့်သက်ဆိုင်သော အကြောင်းအရာအချို့ကို ကြည့်ခြင်းသည် အများပြည်သူအား အကျိုးဖြစ်စေနိုင်ကြောင်း ကျွန်ုပ်တို့ နားလည်သိရှိပါသည်။အထင်ကရပုဂ္ဂိုလ်များနှင့်ပတ်သက်သည့် အချို့ မကောင်းသော သို့မဟုတ် ဝေဖန်သော မှတ်ချက်များ သို့မဟုတ် ရုပ်ပုံများကို ကျွန်ုပ်တို့ ခွင့်ပြုသည်။သို့သော်လည်း ကျွန်ုပ်တို့သည် အခြားမူဝါဒများကို ချိုးဖောက်သည့် အကြောင်းအရာ (အကြမ်းဖက်ခြိမ်းခြောက်မှုများ၊ အမုန်းစကား သို့မဟုတ် လိင်ပိုင်းဆိုင်ရာ အမြတ်ထုတ်ခြင်းကဲ့သို့) နှင့် ပြင်းထန်သော နှောင့်ယှက်မှုပုံစံများ (အတွင်းရေးအချက်အလက်များကို ဖြန့်ဝေခြင်း သို့မဟုတ် တစ်စုံတစ်ဦးအား ပြင်းထန်သော ရုပ်ပိုင်းဆိုင်ရာ ထိခိုက်နစ်နာစေလိုသောဆန္ဒကို ထုတ်ဖော်ပြသခြင်းကဲ့သို့) ကို ဖယ်ရှားဆဲဖြစ်သည်။

သင် သို့မဟုတ် သင်သိသူ တစ်ဦးဦးသည် အနိုင်ကျင့်ခံရပါက အကူအညီရနိုင်သည်။မှတ်ချက်များ၊ စုံတွဲတင်ဆက်မှု၊ နှစ်ယောက်တွဲ ဗီဒီယိုနှင့် စာတိုပေးပို့ခြင်းအတွက် ရွေးချယ်စရာများကို ကန့်သတ်ခြင်းအပါအဝင် အန္တရာယ်ရှိသော အပြန်အလှန်တုံ့ပြန်မှုများကို ကန့်သတ်ရန် ကူညီပေးနိုင်သော ကိရိယာများနှင့် အကူအညီရင်းမြစ်များကိုလည်း ထောက်ပံ့ထားပါသည်။