Okkur er ljóst að tiltekið efni getur átt erindi við almenning, jafnvel þótt það kunni að brjóta í bága við reglur okkar. Málefni sem varða almannahagsmuni eru málefni sem upplýsa, hvetja eða fræða samfélagið og efla uppbyggilega umræðu um málefni með víðtæka skírskotun. Við leyfum efni hugsanlega að vera inni á TikTok ef það uppfyllir eitthvert eftirfarandi skilyrða um almannahagsmuni:

• Heimildarmynd
• Fræðsla
• Læknisfræði og vísindi
• Mótrök
• Háðsádeila
• Listrænt

Við notum sömu skilyrði við ritstýringu efnis, óháð því hver bjó það til. Mikilvægasti þátturinn sem við tökum tillit til þegar við skoðum undanþágur vegna almannahagsmuna er samhengi, svo sem hvort efnið er ætlað til að auka meðvitund um málefni eða gagnrýna skaðlega hegðun. Til að auðvelda okkur slíka skoðun hvetjum við þig til að sýna skýrt samhengi með því að nota eiginleika eins og myndatexta, talaðan texta eða límmiða.

Við bætum hugsanlega frekari öryggisráðstöfunum við sumt efni sem er leyft á undanþágu vegna almannahagsmuna, t.d. með því að útiloka það frá „fyrir þig“ eða bæta við-merki, birta valkostinn „samþykkja“ á skjá eða viðvörun. Við veitum ekki undanþágur vegna almannahagsmuna vegna efnis sem getur valdið miklum skaða, t.d. sem sýnir sjálfsvíg eða kynferðislega misnotkun ungmennis.

Markmið okkar er að fjarlægja efni eða reikninga sem brjóta gegn reglum okkar áður en aðrir fá tækifæri til að skoða efnið eða deila því, og lágmarka þannig hugsanlegan skaða. Fyrst fer efnið í gegnum sjálfvirkt umsagnarferli. Ef skoðun á efni leiðir í ljós mögulegt brot verður efnið fjarlægt sjálfkrafa eða flaggað til frekari skoðunar hjá stuðnings- og öryggisteymi okkar. Ef efnið verður vinsælt eða tilkynning berst um það fer fram önnur skoðun á því. Til að auka nákvæmni skoðunarinnar notum við ítarlegri gæðatryggingarferli fyrir suma aðganga sem hafa þegar farið í gegnum staðfestingarferli, svo sem staðfestir aðgangar.

Við leggjum okkur fram um að framfylgja leiðbeiningum okkar, en getum þó ekki ábyrgst að allt efni sem deilt er sé í samræmi við leiðbeiningar okkar eða þjónustuskilmála. Hægt er að tilkynna grun um brot í appinu og á vefsvæðinu okkar. Ef þú rekst á efni eða aðganga sem kunna að brjóta í bága við viðmiðunarreglur okkar skaltu tilkynna okkur um það svo við getum gripið til viðeigandi ráðstafana ef ástæða telst til.

Frekari upplýsingar um fullnustuaðgerðir okkar má finna í Gagnsæismiðstöðinni.

Í samræmi við skuldbindingu okkar um að gæta sanngirni í málsmeðferð gerum við okkar ítrasta til að senda þér tilkynningu ef þú hefur brotið reglur okkar. Ef þú hefur birt efni sem við leyfum ekki látum við þig vita og gefum þér upp ástæðu þess að efnið var fjarlægt. Ef aðgangur þinn hefur verið bannaður vegna brots færðu tilkynningu á borða þegar þú opnar forritið næst þar sem þér er tilkynnt um þessa breytingu á aðganginum. Ef þú hefur sent inn efni sem er ekki gjaldgengt fyrir For You strauminn (FYF), eða er takmarkað á annan hátt, munu þessar upplýsingar birtast í TikTok greiningartólinu.

Ef reikningurinn þinn var bannaður eða brotið var á efninu þínu, það var ekki gjaldgengt fyrir „fyrir þig“ eða á annan hátt takmarkað og þú telur að um mistök hafi verið að ræða getur þú áfrýjað ákvörðuninni. Þú getur skoðað stöðu áfrýjunar þinnar í öryggismiðstöð forritsins sem og stöðu allra tilkynninga sem þú hefur sent inn um annað efni eða reikninga.