Адам құқықтарын қорғау

Технологиялар адам құқықтарын қорғаудағы ең негізгі фактор болып табылады. TikTok-ты дүние жүзі бойынша 1 миллиардтан астап адам пайдаланады. Біз платформаны пайдаланатын адамдардың ұлтына, сексуалды бағдарына, тегіне немесе өмірлік тәжірибесіне қарамастан олардың барлығының адам құқықтарын құрметтеуге ұмтыламыз. Ойын-сауық саласында ғаламдық компания ретінде TikTok платформадағы қауымдастықтың әрбір мүшесіне құрметпен қарау үшін жауапты болып табылады.

Біздің адам құқықтарын сақтау бойынша міндеттемелеріміз

Адам құқықтарын қорғау үшін жауапкершілік бәріне ортақ болып табылады: мемлекет адам құқықтарын қорғауға міндетті болса, TikTok және басқа компаниялар аталған адам құқықтарын құрметтеуге жауапты. Адам құқықтарын құрметтеу TikTok үшін қызметкерлер, пайдаланушылар, авторлар, жарнама берушілер, қауымдастық бөлігі болып табылатын басқа тұлғалар мен іскерлік әріптестер арасында сенімді қарым-қатынасты қалыптастыруда және сақтауда маңызды рөл ойнайды.

Біздің философиямызға адам құқықтарының бірнеше халықаралық кодекстері әсер етеді және біз оларды ұстанамыз. Оларға мыналар жатады: (1) Адам құқықтары туралы халықаралық заң жобасы (оған Адам құқықтары туралы әмбебап декларация [UDHR – Universal Declaration of Human Rights], Азаматтық және саяси құқықтар бойынша халықаралық пакт [ICCPR – International Covenant on Civil and Political Rights] және Экономикалық, әлеуметтік және мәдени құқықтар бойынша халықаралық пакт [ICESCR – International Covenant on Economic, Social and Cultural Rights] кіреді), (2) Халықаралық еңбек ұйымының [ILO – International Labour Organization] еңбек саласындағы негізгі қағидалар мен құқықтар туралы декларациясы, (3) Бала құқықтары туралы конвенция [CRC – Convention on the Rights of the Child] және (4) БҰҰ-ның Кәсіпкерлік қызметтің адам құқықтарына қатысты басшылыққа алатын қағидалары [UNGPs – Guiding Principles on Business and Human Rights].

Міндеттемелеріміз шеңберінде біз компаниямыздың барлық тұстарында, соның ішінде басқа компаниялармен қарым-қатынастарда адам құқықтарын сақтауға ғана емес, адам құқықтарына қатысты барлық қолданыстағы заңдар мен нормаларды орындауға ұмтыламыз. Біз адам құқықтарын айқын түрде бұзылу жағдайларын анықтау, бағалау және шешу үшін іс-әрекеттерімізді үздіксіз бағалаудан өткізіп отырамыз, негізгі мүдделі тұлғалар мен құқық иелерін жұмылдырамыз және оңтайлы ықпал ете алатын басым аймақтарды анықтаймыз.

Ғаламдық компания ретінде жұмыс істеу бізді платформа пайдаланылатын елдердегі жергілікті заңдарды мойындауға және сақтауға міндеттейді. Кейбір жағдайларда жергілікті заңдар адам құқықтары бойынша халықаралық стандарттарға қайшы келуі мүмкін. Мұндай жағдайда біз адам құқықтарын әдеттегідей сақтаймыз, сондай-ақ пайдаланушыларымыздың сөз бостандығына және құпиялылыққа қатысты құқықтарын қорғаймыз. Мұны жүзеге асыру үшін біз мемлекеттік сұраудың жарамдылығын тексеріп, барынша мұқият түсінуге тырысамыз. Бұл шаралар пайдаланушы құқықтарын сақтау үшін жеткіліксіз деп есептеген жағдайда біз халықаралық заңдарды және адам құқықтары бойынша халықаралық стандартты бұзатын осындай сұрауларға қарсы тұрудың заңды жолдарын зерттейміз.