TikTok ұсыныстар жүйесіне кіру

TikTok-тың «Ұсыныстар» арнасының жұмыс істеу әдісі

TikTok-тағы контентпен өзара әрекеттескен кезде, сіз алуан түрлі сигналдар бересіз. Бұл сигналдар біздің ұсыныстар жүйемізге сізге қандай контент түрлерінің қызықты екенін түсінуге көмектеседі. Біз мұндай сигналдарды әртүрлі видеоларға арналған болжалды көрсеткішті жасау үшін пайдаланамыз. Бұл көрсеткіш мұндай видеолардың әрқайсысымен өзара әрекеттесетініңіздің ықтималдығы қандай болатынын бағалайды. Ең жоғары көрсеткішке ие видеолар сіздің «Ұсыныстар» арнаңызда көрсетіледі. Төменде арнада қандай контент көрсетілетінін анықтайтын факторлар қысқаша сипатталған.

Сізден келетін сигналдар

Сіз TikTok-тағы контентпен өзара әрекеттескенде беретін сигналдар бірқатар өзара әрекеттерді, мысалы, сіз қараған, лүпіл қойған немесе бөліскен видеолар туралы мәліметтерді қамтиды. TikTok-тағы контентпен өзара әрекеттесе отырып сіз жүйеге сізге қатысты және пайдалы болуы мүмкін контент туралы хабарлайсыз, бұл өз кезегінде сіз үшін бірегей «Ұсыныстар» арнасын қалыптастыруға көмектеседі.Ұсыныстар жүйесінде пайдаланылатын негізгі сигналдардың мысалдарын қосымшадан қараңыз.

Болжамдар

Ұсыныстар жүйесі сізге қандай контенттің ұнайтынын болжап білу үшін сіз берген сигналдарды пайдаланады. Мұндай болжамдар берілген видеомен қаншалықты өзара әрекеттесетініңізді, мысалы, видеоға лүпіл қою, бөлісу, пікір қосу немесе өткізіп жіберу ықтималдығын бағалайды. Осындай өзара әрекеттестіктердің әрқайсысы үшін болжалды көрсеткіштерді біріктіре отырып, біз әр видеоның жалпы бағаны аламыз. Жоғары көрсеткіштер сіздің талғамыңызға көбірек сәйкестікті білдіреді. Ұсыныстар жүйесінің негізгі болжамдарының мысалдарын қосымшадан қараңыз.

Рейтинг тағайындау

Рейтинг тағайындау процесі видеоларды болжалды көрсеткіші бойынша кему ретімен сұрыптайды. «Ұсыныстар» арнасы ұсынылар алдында соңғы ұқсастық тексерісінен өткен, жоғары рейтингке ие видеолардан жасалады.

Ұқсастық тексерісі

Контент ұқсастығы «Ұсыныстар» арнаңызда ретімен көрсетілетін видеолар бір-бірінен қаншалықты ерекшеленетінін өлшейді. Егер жүйе жоғары рейтингті ретінде таңдаған видеолардың кейбірі бір-біріне қатты ұқсайтын болса, сізге көрсетілетін контенттің алуан түрлілігін арттыру үшін біз мұндай видеоларды басқасына ауыстырамыз. Мұндай әрекеттер қайталанатын тақырыптағы видеоларды көру ықтималдығын азайтып, сізге алуан түрлі контентпен танысуға және зерттеуге мүмкіндік береді.

Ұсыныстар жүйесінде қауіпсіздікті қамтамасыз ету

Қауымдастық ережелері

Біздің Қауымдастық ережелерімізде платформада қандай контент түрлеріне тыйым салынатынын анықтайтын ережелер берілген. Сондай-ақ онда «Ұсыныстар» арнасында ұсынуға жарамайтын контент санаттары атап көрсетілген. Мұндай санаттар жасөспірімдерден бастап ата-әжелерге дейінгі кең аудиторияны қамтиды. Біз Қауымдастық ережелерінің орындалуын қамтамасыз ету үшін алуан түрлі машиналық оқыту модельдері мен сарапшы тексерулерін біріктіріп пайдаланамыз. Егер сізге ережелерге қайшы келуі мүмкін видео кездессе, видеоны ұзақ басып тұрып, қалқымалы мәзірден «Шағымдану» опциясын таңдау арқылы видеоны модерация тобына тексеруге жібере аласыз.

Жасөспірімдердің қауіпсіздігі

Қауіпсіздікті ең бірінші орынға қоя отырып, біз TikTok-тағы жасөспірімдерге белгілі бір жас үшін жарамды өзара әрекеттесу жүйесін ұсынамыз. TikTok-тағы контент көлемі мен алуан түрлілігі ауқымды болғанымен, жас аудиторияға контенттің бәрі жарамды бола бермейді. Біз айқын түрде ересектерге арналған контентті шектейміз, осылайша мұндай контент TikTok-тағы 13–17 жас аралығындағы тұлғаларға тиесілі аккаунттарға қолжетімді болмайды және тек 18 жастан асқан ересектерге көрсетілетін болады. Оған қоса, 16 жасқа толмаған пайдаланушы жасаған контент «Ұсыныстар» арнасында көрсетуге жарамсыз болады.

Контент ұсыну кезінде қауіпсіздікті бірінші орынға қою

Ұсыныстар жүйесі сізге қандай контенттің ұнауы мүмкін екендігін болжаумен айналысса, модерация ережелері мұндай контенттің Қауымдастық ережелеріне сәйкестігін қамтамасыз етеді. Нәтижесінде «Ұсыныстар» арнасы қауіпсіздікті ескере отырып сіздің жеке қызығушылықтарыңызға сай контентті ұсынады.

• Модерация жүйесі ережелерді бұзатын контентті жояды және жалпы аудитория үшін жарамсыз контентті ұсыныстардан алып тастайды. Қауымдастыққа «Ұсыныстар» арнасында ұсынылатын видеолар қорына тек модерациядан өткен видеолар қосылады.
• Болжалды көрсеткіштердің көмегімен ұсыныстар жүйесі мақұлданған видеолардың ішінен сізге ұнауы мүмкіндерін іріктеп алады.

«Ұсыныстар» арнасына қалай ықпал етуге болады

  TikTok-тағы контентпен өзара әрекеттесу арқылы беретін сигналдардан бөлек, сізге ұсынылатын контентті басқарудың қосымша құралдары бар.

• Қызықты емес: «Ұсыныстар» арнасында видеоны ұзақ басып тұрып, қалқымалы мәзірден «Қызықты емес» опциясын таңдауыңызға болады. Бұл сіздің мұндай контент түріне қызықпайтыныңызды бізге хабарлайды, ал біз арнаңызда осындай контенттің ұсынылуын шектейміз.
• Видеоға арналған кілтсөз сүзгілері: «Ұсыныстар» арнасын сүзгілеу үшін кілтсөздерді, мысалы, сөздерді немесе хэштегтерді қосуға болады.
• «Ұсыныстар» арнасын жаңарту: Жаңа контентпен танысып, TikTok-тың жаңа қырларын зерттеу үшін «Ұсыныстар» арнасын жаңартуыңызға болады.

Қосымша

  Бұл толық емес тізімде жүйе «Ұсыныстар» арнаңызда жекелендірілген контентті ұсыну үшін пайдаланатын сигналдар мен өзара әрекеттестік түрлері туралы мәлімет берілген. Жүйеге кіріс деректер ретінде қызмет ететін сигналдар динамикалық сипатта болады және өзгеріп тұратын қызығушылықтар мен шұғыл дамып келе жатқан экожүйені қамту үшін тұрақты түрде жаңартылып отырады. Қосымша ақпарат алғыңыз келсе,Анықтама орталығынанTikTok-тың контентті қалай ұсынатыны туралы өзекті ақпаратты қараңыз.  TikTok «Ұсыныстар» арнасын әртүрлі факторларға сүйене отырып жекелендіреді, соның ішінде:

• Сіздің аймағыңыз: ұсыныстарды жергілікті стандарттар мен мәдени нормаларға сәйкестендіру.
• Құрылғыда орнатылған тіл.
• Құрылғының операциялық жүйесі.
• Сіз жақында өзара әрекеттескен, соның ішінде сіз қараған, соңына дейін қараған, лүпіл қойған немесе өткізіп жіберген видеолар.
• TikTok-та сіз жазылған адамдар.

    Жүйе алуан түрлі өзара әрекеттестіктерді, соның ішінде келесі әрекеттерді орындау ықтималдығын болжайды:

• Лүпіл қою, бөлісу, пікір қосу немесе видеоны «Қызықты емес» деп белгілеу.
• Видео авторына жазылу немесе оның профилімен өзара әрекеттесу.
• Видеоны соңына дейін қарау, өткізіп жіберу немесе таңдаулыларға қосу.
• Видеоны қарауға белгілі бір уақыт мөлшерін жұмсау.
• Видеоның саундтрегін түрту.

    Контентпен өзара әрекеттесу арқылы жасалатын сигналдармен қатар, біз видео туралы басқа да сигналдарды есепке аламыз, соның ішінде:

• Видео жарияланған уақыт.
• Видео жарияланған аймақ.
• Видео авторына таңдаған тіл.
• Видео саундтрегі.
• Видео ұзақтығы.
• Видеомен байланысты хэштегтер.