Hinuhubog ng pisikal at sikolohikal na kaligtasan ang pundasyon ng inidibidwal na kapakanan, at ang pagkamagalang ang susi sa isang umuunlad na komunidad. Ang pagiging magalang ay hindi nangangahulugang lagi mong kailangang sumang-ayon, sa halip, tungkol ito sa pagkilala sa likas na dignidad ng bawat tao at pagiging magalang sa pagkilos, pananalita, at tono ng pananalita kapag nakikipag-ugnayan sa iba.

Nakatuon kami sa pagsasama-sama ng mga tao sa isang paraan na hindi nagdudulot ng pisikal na kaguluhan. Kinikilala namin na puwedeng magdulot ng totoong pinsala sa mundo ang online na content na may kaugnayan sa karahasan. Hindi namin pinapayagan ang anumang marahas na banta, pagpo-promote ng karahasan, pag-uudyok ng karahasan, o pagpo-promote ng mga kriminal na aktibidad na puwedeng makapinsala ng mga tao, hayop, o ari-arian.

Kung may isang partikular, maaasahan, at napipintong banta sa buhay ng tao o malalang pisikal na pinsala, iniuulat namin ito sa mga kaugnay na awtoridad sa pagpapatupad ng batas.

Para sa mga detalye kung paano namin pinangangasiwaan ang content na naglalaman ng mga larawan ng karahasan, tingnan ang Nakakagulat at Graphic na Content.

Ang TikTok ay pinagyayaman ng pagkakaiba-iba ng komunidad natin. Dapat tanggapin ang ating pagkakaiba-iba, sa halip na maging dahilan ng pagkakawatak-watak. Hindi namin pinapayagan ang anumang mapoot na pananalita, mapoot na gawi, o pagpo-promote ng mga mapoot na ideyolohiya. Kasama rito ang hayagan o hindi hayagang content na umaatake sa isang protektadong grupo.

Kapag may mga talakayan tungkol sa mga isyung panlipunan sa TikTok, gusto namin na maging magalang ang mga ito. Ang content ay posibleng hindi kwalipikado para sa FYF kapag ito ay hindi direktang nangmamaliit sa mga protektadong grupo.

Alamin pa ang tungkol sa aming pagsisikap na labanan ang kapootan, at mga tool na makakatulong na limitahan ang mga hindi kanais-nais na interaksyon, kasama ang mga naglilimitang opsyon para sa mga komento, duet, stitch, at pagmemensahe.

Gusto naming ibahagi mo kung ano ang nagbibigay sa iyo ng inspirasyon, pero hindi lugar ang TikTok para magpalaganap ng mga paniniwala o propaganda na naghihikayat ng karahasan o poot. Hindi namin pinapayagan ang pagkakaroon ng mga marahas at mapoot na organisasyon o indibidwal sa aming plataporma. Kasama sa mga taong ito ang mga marahas na extremist, marahas na kriminal na organisasyon, marahas na pulitikal na organisasyon, mapoot na organisasyon, at mga indibidwal na nagdudulot ng sunud-sunod o malakihang karahasan. Kung malaman naming nasa plataporma namin ang sinuman sa mga taong ito, magsasagawa kami ng mahigpit na pagsusuri—kasama na ang gawi sa labas ng plataporma—na posibleng magresulta sa pagka-ban ng account.

Kadalasan, ina-amplify ng iba ang mga ideya ng ganitong mga tao. Hindi namin pinapayagan ang sinuman na mag-promote o magbigay ng matinding suporta sa mga nagsasagawa ng marahas o mapoot na aktibidad. Ang content na mukhang neutral, gaya ng pagtatampok ng quote mula sa isang mapoot na organisasyon o indibidwal, ay dapat linawin na walang intensyong i-promote ito. May mga limitado kaming pagbubukod para sa mga talakayan tungkol sa mga marahas na pulitikal na organisasyon.

Lubos kaming nakatuon sa pagiging ligtas at positibong karanasan ng TikTok para sa mga batang indibidwal. Hindi namin pinapayagan ang pagpapakita, pag-promote, o pakikisangkot sa sekswal o pisikal na pang-aabuso o pananamantala sa kabataan. Kasama rito ang materyal ng sekswal na pang-aabuso ng bata (child sexual abuse material o CSAM), grooming, sextortion, sekswal na solicitation, pedophilia, at pisikal o sikolohikal na pananakit ng mga batang indibidwal.

Inire-report namin ang mga insidente ng sekswal na pang-aabuso at pananamantala sa kabataan sa Pambansang Sentro para sa mga Nawawala at Napagsamantalahang Bata (National Center for Missing and Exploited Children, NCMEC). Nagre-report din kami sa mga nauugnay na awtoridad sa pagpapatupad ng batas kapag may partikular, kapani-paniwala, at napipintong banta sa buhay ng tao o malubhang pisikal na pinsala. Kung makakakita ka ng pinaghihinalaang CSAM, i-report ito kaagad sa app o sa website namin. Huwag mag-download, kumuha, o magbahagi ng CSAM na content sa anumang paraan.

Kung ikaw o isang kakilala mo ay nakaranas ng sekswal na pang-aabuso o pananamantala sa kabataan, may available na suporta. Makipag-ugnayan sa helpline o service provider sa iyong rehiyon. Kung may napipintong panganib sa iyo, makipag-ugnayan sa inyong lokal na mga pang-emergency na serbisyo.

Nakatuon kami sa pagbibigay ng lugar kung saan kinikilala ang pagkakapantay-pantay ng kasarian, sinusuportahan ang magagandang relasyon, at iginagalang ang pagiging maselan ng privacy. Puwedeng magdulot ng trauma ang pagpapahina sa mga pagpapahalagang ito at posibleng magdulot ng pisikal at sikolohikal na pinsala. Hindi namin pinapayagan ang pagpapakita, pag-promote, o pagsasagawa ng sekswal o pisikal na pang-aabuso o pananamantala sa nasa hustong gulang. Kasama rito ang mga walang pahintulot na sekswal na aksyon, sekswal na pang-aabuso na batay sa larawan, sextortion, pisikal na pang-aabuso, at sekswal na panliligalig.

Kung ikaw o isang kakilala mo ay nakaranas ng pang-aabuso o pananamantala, may available na suporta. Makipag-ugnayan sa helpline o service provider sa iyong rehiyon. Kung may napipintong panganib sa iyo, makipag-ugnayan sa inyong lokal na mga pang-emergency na serbisyo. Kung naniniwala kang nakaranas ka ng paglabag sa maselang privacy sa aming plataporma, puwede mong i-report ito.

Naninindigan kaming itaguyod ang indibidwal na dignidad ng tao at tiyaking hindi ginagamit ang TikTok para pagsamantalahan ang mga taong nanganganib. Hindi namin pinapayagan ang human trafficking at smuggling. Nauunawaan namin kung gaano kahalaga para sa mga survivor ng human trafficking at smuggling na ibahagi ang kanilang mga kwento, at magawa ng mga migrante na maidokumento ang kanilang mga pakikipagsapalaran, kaya nagbibigay tayo ng lugar para magawa iyon.

Inire-report namin ang mga insidente ng sex trafficking sa kabataan sa Pambansang Sentro para sa mga Nawawala at Napagsamantalahang Bata (National Center for Missing and Exploited Children (NCMEC). Nagre-report din kami sa mga nauugnay na awtoridad sa pagpapatupad ng batas kapag may partikular, kapani-paniwala, at napipintong banta sa buhay ng tao o malubhang pisikal na pinsala.

Bukas kami sa may respetong paghahayag ng magkakaibang pananaw, at gusto naming tiyaking makakapagbahagi ng kanilang pananaw ang kahit sino nang hindi natatakot na malait o ma-bully. Hindi namin pinapayagan ang mga pahayag o gawi ng panliligalig, panlalait, o pambu-bully. Kasama rito ang pagtugon sa mga naturang gawi sa pamamagitan ng mapaghiganting panliligalig.

Batid namin na ang mga pampublikong personalidad na may kakayahang kunin ang pansin ng publiko, ay may mga paraan para labanan ang negatibong pananalita, at posibleng nasa interes ng publiko na mapanood ang ilang content na nauugnay sa kanila. Pinapayagan namin ang ilang negatibo o kritikal na komento o larawan tungkol sa mga pampublikong personalidad. Gayunpaman, inaalis pa rin namin ang content na lumalabag sa iba pang patakaran (gaya ng mga marahas na banta, mapoot na pananalita, o sekswal na pananamantala), pati na rin ang malulubhang anyo ng panliligalig (gaya ng doxxing o pagpapahayag ng kagustuhan na makaranas ng malalang pisikal na pinsala ang isang tao).

Kung ikaw o isang kakilala mo ay nakakaranas ng pambu-bully, may available na tulong. Nag-aalok kami ng mga mapagkukunan ng suporta, pati na rin ng mga tool na makakatulong na limitahan ang mga mapaminsalang pakikipag-ugnayan, kasama ang paglilimita sa mga opsyon para magkomento, makipag-duet, mag-stitch, at magpadala ng mensahe.